30 May

• 1431 - Janna d'Ark cadugərlik günahı ilə mühakimə olundu və yandırıldı.
• 1453 - Fatih Sultan Mehmed Xıdır Bəyi (Çələbi) İstanbula ilk bələdiyyə başçısı olaraq təyin etdi. İstanbulda o gündən bu yana 475-i Osmanlı və 30-u Respublika dövründə olmaq üzrə 505 bələdiyyə başçısı vəzifə yerinə yetirdi.
• 1453 - Fatih Sultan Mehmed İstanbul Universitetini qurdu.
• 1631 - Fransanın ilk qəzetlərindən, 'La Gazette', Theophraste Renaudot tərəfindən nümayiş olunmağa başlandı.
• 1806 - Endrü Cekson Charles Dickinson adında birini arvadına təhqir etdiyi üçün etdikləri dueldə öldürdü. Andrew Jackson o tarixdə hələ ABŞ başçısı olmamışdı.
• 1814 - Napoleon Bonapart Elba adasına sürgün edilib
• 1876 - İntihar edən Osmanlı sultanı Əbdüləzizi sultan V Murad əvəz edib
• 1918 - Azərbaycan Xalq Cümhuriyyətinin yaradılması haqqında dünya parlamentlərinə radioqram göndərilib
• 1999 - Bayram günü Minsk metropoliteninin Nemiqa stansiyasına giriş tunelində sərxoş insanların yaratdığı basabas nəticəsində 53 nəfər həlak olub, 150 nəfər xəsarət alıb
• 2003 - İKT Xarici işlər nazirlərinin Tehrandakı XXX (Həmrəylik və Ləyaqət) Toplantısında "Azərbaycan Respublikasına İqtisadi yardım haqqında Qətnamə" qəbul edilib
• 2008 - Bakıda "GUAM-ın inkişaf strategiyası" adlı beynəlxalq konfrans keçirilib

28 May Respublika Günü - Müstəqilliyimizin tarixi

   “Bir kərə yüksələn bayraq bir daha enməz!”

Bu gün 1918-ci ildə müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yarandığı gündür. 1990-cı ildən Respublika günü dövlət bayramı kimi qeyd edilir.

1917-ci ildə Rusiyada baş vermiş Fevral inqilabı nəticəsində Rusiyada Çar İmperiyası devrildi. Ölkədə çarizmin məzlum vəziyyətə saldığı xalqların milli hərəkatı başlandı. 1918-ci il mayın 28-də Azərbaycan Xalq Cümhuriyyəti (1918-1920) – müsəlman Şərqində ilk dünyəvi demokratik dövlət yaradıldı. Bu respublika azərbaycanlıların tarixi yaddaşında Azərbaycan dövlətçiliyinin ilk təcrübəsi kimi iz qoymuşdur

Məmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və islam dünyasında ilk parlamentli respublika və ilk demokratik, hüquqi və dünyəvi dövlət nümunəsi idi.

Azərbaycan müvəqqəti hökumətinin ilk başçısı isə Fətəli Xan Xoyski idi. 10 gün Milli Şura Tiflisdə işlədikdən sonra Gəncəyə köçürülüb. Yalnız 1918-ci ilin sentyabrında Türkiyə ordusunun rəhbərliyilə – Bakı daşnak-rus qüvvələrdən təmizləndikdən sonra milli hökumət Gəncədən Bakıya köçdü.

Müstəqil Azərbaycan Cümhuriyyəti qısa ömrundə böyük nailiyyətlər və qalibiyyətlər əldə etmişdir. İlk dəfə qadınlara seçim hüququ tanıyan və qadın–kişi bərabərliyini təmin edən cümhuriyyət o cümlədən milli ordu, milli pul, demokratlaşma, milli bank, azad seçkilər, beynəlxalq əlaqələr və beynəlxalq ictimayyət tərəfindən Azərbaycan istiqlalının rəsmiyyətə tanınması, Azərbaycanın bütövlüyünü təmin etmək, iqtisadi islahat və s. müstəqil Azərbaycan Cümhuriyyəti təmin etmişdir.

Azərbaycan Demokratik Respublikasını rəsmi surətdə tanıyan ilk dövlət Osmanlı dövləti olmuşdur. Həmin tarixi hadisə 4 iyun 1918-ci ildə baş vermişdir.

1918-ci il 9 noyabr tarixində M.Ə.Rəsulzadənin təklifi əsasında Azərbaycan Demokratik Respublikasının üç rəngli bayrağı qəbul edilmişdir. O zamana qədər Azərbaycan Demokratik Respublikasının bayrağı qırmızı rəngdəydi.

Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi. Təəssüflər olsun ki, müstəqil Azərbaycan Cümhuriyyəti iki yaşına dolmadan bolşeviklərin hücumuna məruz qalıb müvəqqəti olaraq devrildi. Sovetlər Birliyi, Azərbaycanı məcburi surətdə öz tərkibinə daxil etdi. Bolşeviklər tərifindən devirlməsinə baxmayaraq, istiqlal ideyası yenilmədi və 1991-ci ildə Sovet İmperiyasının dağılması ilə Azərbaycan yenidən öz müstəqilliyini elan etdi

İstiqlal Bəyannaməsi

1918-ci ilin may ayının 28-də Azərbaycan milli şurası "İstiqlaliyyət Bəyannaməsi" ilə Azərbaycanın şimal torpaqlarında Azərbaycan Demokratik Cümhuriyyəti yarandığını elan etdi. Bu tarixi sənədə görə Azərbaycan qonşu xalqlar və dövlətlərlə dostluq münasibəti quracaqdır. Müstəqil Azərbaycan dövlətinin təşkil idarəsi xalq cümhuriyyətidir. Azərbaycan Xalq Cümhuriyyəti, millət, məzhəb, sinif və cins fərqi görmür və bütün vətəndaşların siyasi hüquqlarını təmin etməlidir.